Ç erti giörni ö mâ ö l ’ è coscì trasparente che se nûa söspeizi a trei metri da - o föndo , in sci-a posidonia schittan bughe , oae , mûzai e laxerti ; çerti giörni ö börgo ö l ’é spopolôu , regna a paxe do tempo di messiavi e di lô bezavi . Mancan sölo e rae pinn-e de pesci . Gössi e lance sön a -i gaitelli , quarchedûn ö sciörtiâ .
A spiaggia a l ’ è sempre a stessa , cömme e case . Ö paise ö l ’aspëta de fâse ammiâ , ma cösta fadïga restâ belli . L ’odô de mâ ö no viaggia in sce internet . Lebeccio e sciöco i se sentan sölo se piccan in to naso . A poexia e a stöja , scì , sön a portâ de mouse e i l ’ invadan tûtti i link . E fotografie van apprêuvo a stöje löntann -e , törnan a -i tempi diversci di messiavi , cönservan vitte di sanmichelin . Sproföndemmo in ta vitta ciù vea : fadighe , risate , facce antighe , stradde pinn-e de pûa .
San Michê anchêu ö l ’ è ’na perla , ö vive in sce ’n ’ onda ch ’a vëgne da löntan ; ö conserva sccetti tanti tesöi , ö mantëgne amixi , feste e amôi . Di messiavi e besavi gh ’ è sempre ûn arregordo , figgi e nêvi ô tegnan averto .
E figûe seguan stöje paegie e vitte incröxae . E generaziön sön tante . I meistri d ’ ascia creavan gössi e leûdi , i pescoi i l ’ andâvan pe caladde e görfi , i mainae andâvan a l ’ Elba e in Sardegna . In ta stae se scadenâva a gente , all ’as- säto de recanti e schêuggi , de prîe e pöntîli , aenn-ae e scain . E pagine sön ûn invito a vegnî , ma pe chi gh ’ è zà staeto , gh ’è ’ na quae ciù grande . N’ atro invito , a ammiâ e capî . Capî che san Michê ö l ’ intressa stöje pinn-e de valori .Chi l ’ ha stampae , çercae , in te ’ ste figûe ö g ’ ha l ’ ambiziön de acciappâli da -ö passôu e cacciali in te l ’avvegnî , pe mettili là , davanti a noiâtri a dispoxiön di atri . Avemmo ereditôu ’sti lêughi perché i nostri besavi han agîo in te ’n çerto moddo , çernendo de cangiâ stradde , ciasse , caröggin e crêuze . Anche e aenn-ae sön cagiae ; ö cemento ö l ’ha aggiûttôu a cresce e a vive mëgio , ma ö l ’ ha segnôu anche anni grammi peö börgo cangiando ö paisaggio .
E fotografie fan vegnî ö magön , ûn sentimento ch ’ ö s’ avvixinn-a ä cömmö- ziön . E mangiâte de pesci in scî schêuggi dan ’n’ allegria contag- giosa . Pescôi e chêughi sön gente de san Michê , sön cömpaizen cresciûi insemme e che insemme han cöntinûou a vive pe tanto tempo . Se dömandemmo cön che spirito i vivessan e cöse î tenisse insemme . L ’ allontanäse de nêuve generazioin a çercâ nêuve forme de travaggio , e nêuve domande de mercôu e ö serrâ de butteghette ch’ i portavan vitta e traffego in sci -a passeggiata a -ö mâ han cangiôu a vitta da gente , c -ö pericolo da lô scomparsa . A gente do börgo a möstra però de avei quarcôsa in ciù pe superâ ogni impedimento .A quae de stâ insemme e de spartî zêughi e fadiga ghe l ’ han anchêu vëgi e gardetti cömme l ’ aveivan vëgi e gardetti de allöa . Sajä merito do mâ e di sêu colori se tûtti i te porzan a man . E fotografie i ne ricordan i grandi travaggi faeti da -i messiavi : a costrûziön de dûe stradde prinçipae che i traversan ö börgo , ûnn -a da -a mainn -a e l ’ atra da -ö mâ ä collinn-a , e belle ville co -i lô giardin e i lô portöin d’ intrata , e vëgie nicce co -e figûe di santi , i erboi secoläi sacrificae in ti anni pe allargâ e stradde do
paise, e vëgie case e i rûsteghi do centro stöjco demolii pe fâ posto a case nêuve sûbito doppo a guaera . Tûtte ’ste cöse han cangiôu ö paisetto , da ’na parte inricchindölo scì , ma faxendölo ciù pöveo de bellesse da natûa ch ’ i no l ’ han paragöin in Italia . Sön questi i tocchetti che se semmo voscîo regalâ , che vêummo ben a -o posto donde vivemmo e a voiâtri perché posci apprexâ a bellessa do sêu paisaggio e a tranquillitae do börgo de pescoi e contadin .
Rivedde quante ö fösse bello san Michê in to passôu l ’ è importante proprio anchêu ; mai cömme ôa l ’ è tempo de nêuve decisöin e , se l ’ é ö caxo , de nêuve battaggie . A paxe e a serenitae di tempi andaeti ch ’ i sciörtan da tante fotografie i no pêuan , de segûo , ëse ricreae anchêu . Savemmo che no l ’ è poscibile f â ûn säto in derrê , ma semmo anche cönvinti de dovéi fâ quarcösa pe regalâ a -i nostri figgi ûn paise a -ö meno cömme quello da noiätri riçevûo . Sölo co -a voentae de tûtti , çittadin e amministratöi pûb- blici , se poiâ conservâ in te l ’ avvegnî ö territöio dall ’ invaxiön do cemento , ch ’ ö fà sparî grosci polmöin de verde segge in sciä costa che in sciâ collinn -a e ridûe de ben ben l ’ impatto do tràffego di grosci camiön , do fracasso e de l ’ inquinamento de l ’ aia ; ö nostro ö l’è ûn invito a ammiâ e a pensâ cöse se pêu fâ pe migliorâ a qualitae do lêugo e poighe vive ben . Ogni idea a l ’ è ûn regalo pe noiâtri .